काठमाडौं । पछिल्लो समय राजनीतिमा सक्रिय रहेकी अभिनेत्री रेखा थापाले महामन्त्री पदमा उम्मेदवारी दिने भएकी छन् । उनले राजेन्द्र लिङ्देन प्यानलबाट राप्रपाको महामन्त्री उम्मेदवारी दिने भएकी हुन् ।
आजदेखि काठमाडौंमा राप्रपाको महाधिवेशन सुरु भएको छ । आजै उद्घाटनसत्र सकिएको छ । राप्रपाको अध्यक्षमा वर्तमान अध्यक्ष कमल थापा र पूर्वमहामन्त्रीसमेत रहेका सांसद लिङ्देन उठ्दै छन् ।
उम्मेदवारी दर्ता, मनोनयन, निर्वाचनलगायत कार्यक्रम बिहीबार हुनेछ ।