विराटनगर ।कोशी प्रदेशबाट राष्ट्रियसभा सदस्य निर्वाचनमा दलित र महिला समूहका गठबन्धनका उम्मेदवार विजयी भएका छन्।

दलित समूहबाट झापाका सोमनाथ पोर्तेल ७ हजार ४२३ मतभारसहित विजयी भएका छन्। उनका निकटतम प्रतिस्पर्धी खेमराज सुन्दासले २ हजार ३७ मतभार प्राप्त गरे।

त्यस्तै, महिला समूहबाट गठबन्धनकै रोस्नी मेचे ७ हजार १७३ मतभारसहित निर्वाचित भएकी छन्। उनका निकटतम प्रतिद्वन्द्वी नमिता नेउपानेले २ हजार २६८ मतभार ल्याइन्।

निर्वाचनमा स्थानीय तहतर्फ २ सय ५८ र प्रदेशसभातर्फ ८७ मत खसेको थियो। स्थानीय तहमा कुल २ सय ६७ मध्ये २५८ ले मतदान गरेका थिए भने प्रदेशसभामा ९२ मध्ये ८७ मत खस्यो। मतभार प्रणालीअनुसार स्थानीय तहको मतभार १९ र प्रदेशसभाको ५३ तोकिएको थियो।

प्रदेशसभातर्फ गठबन्धनका उम्मेदवारले ६४ मत पाए भने नेकपाका उम्मेदवारले २२ मत प्राप्त गरे। निर्वाचनमा एक मत बदर भएको निर्वाचन कार्यालयले जनाएको छ।