म्यान्मार । म्यान्मारको प्रमुख सामुद्रिक नाका याङ्गुन बन्दरगाहमा सन् २०२६ को पहिलो सात महिनामा ४०२ वटा कन्टेनर जहाजहरू आइपुगेका छन् ।

म्यान्मार बन्दरगाह प्राधिकरणलाई उद्धृत गर्दै द ग्लोवल न्यू लाइट अफ म्यान्मारले बिहीवार यसबारे जानकारी दिएको हो । प्राधिकरणको प्रतिवेदनअनुसार जुलाई महिनामा मात्रै ५५ वटा कन्टेनर जहाजले यस बन्दरगाहमा सेवा लिएका थिए ।

यस वर्षको जनवरीमा ६३ र फेब्रुअरीमा ६० वटा जहाजको आगमन भएको थियो, जुन यस वर्षकै उच्च मासिक तथ्यांक हो । विगत केही वर्षयता याङ्गुन बन्दरगाहमा जहाजहरूको आवागमनमा क्रमिक वृद्धि देखिएको छ ।

तथ्यांकअनुसार सन् २०२३ मा ६२९ र सन् २०२४ मा ६३३ वटा जहाजहरू आएकोमा सन् २०२५ मा यो सङ्ख्या बढेर ७२८ पुगेको थियो । म्यान्मारको व्यापारिक क्षेत्रका लागि मेरुदण्ड मानिने यस बन्दरगाहले मुलुकको कुल नियमित आयात–निर्यातको ९० प्रतिशतभन्दा बढी हिस्सा ओगट्दै आएको छ ।

याङ्गुन इनर हार्बर र थिलावा आउटर हार्बर गरी यस बन्दरगाहमा कुल ४८ वटा बर्थहरू (जहाज लंगर हाल्ने ठाउँ) सञ्चालनमा रहेका छन् ।