सिन्धुपाल्चोक । सिन्धुपाल्चोकका बाह्रबिसेमा गएराति गएको पहिरोमा १० घर पुरिएका छन् ।

घरमा भएका सबैजना बेपत्ता रहेको स्थानीय शिक्षक बजीर भण्डारीले जानकारी दिए ।

उक्त स्थान बाह्रबिसे नगरपालिका–७ घुम्थाङको नागपुजेमा हो ।

भीरखर्कका पुरिएका घर र बेपत्ता मानिसबारे नजिक पुगेर जानकारी लिन कठिन रहेको स्थानीयवासीको भनाइ छ ।

त्यस्तै जुगल गाउँपालिका–५ चनौटेमा पहिरो जाँदा केही घरहरु पुरिएको छ ।

त्यहाँ मानवीय क्षति नभएको बताइएको छ ।

घटना थाहा हुनेबित्तिकै प्रहरी घटनास्थलतर्फ लागेको प्रमुख जिल्ला अधिकारी उमेशकुमार ढकालले जानकारी दिए ।