विराटनगर । उपप्रधान तथा अर्थमन्त्री विष्णुप्रसाद पौडेलले कांग्रेस–एमालेको सरकार आउने २०८४ को निर्वाचनसम्म नै रहने बताएका छन् ।

विराटनगरमा आज उद्योग संगठन मोरङद्वारा आयोजित ‘विराट एक्स्पो’को उद्घाटन गर्दै उहाँले अहिलेको सरकार जनाधारको आधारमा बनेकाले २०८४ सम्मै रहने बताएका हुन् ।

कांग्रेस एमालेको सरकार आइसकेपछि देशमा केही सकारात्मक संकेत देखिएकोसमेत उनको दाबी थियो । विराट एक्पोका विषयमा बोल्दै अर्थमन्त्री पौडेलले एक्स्पो जस्ता कार्यक्रमले अर्थतन्त्र चलयमान बनाउने बताए ।