विराटनगर । बढ्दो सुरक्षा चुनौतीलाई मध्यनजर गर्दै मोरङमा सबै सुरक्षा निकायले संयुक्त गस्ती सञ्चालन गरेका छन्।

नेपाली सेना, सशस्त्र प्रहरी बल र नेपाल प्रहरीले संयुक्त रूपमा मोरङका विभिन्न स्थानमा गस्ती सञ्चालन गरेका हुन्।

शिव दल गण थालहका प्रमुख सेनानी अरुण कार्कीका अनुसार मोरङका संवेदनशील क्षेत्रहरूमा सुरक्षा सुदृढीकरणका उद्देश्यले संयुक्त गस्ती गरिएको हो।

उनका अनुसार यस्तो गस्तीले सुरक्षाप्रति जनविश्वास बढाउने र समन्वयात्मक कार्यलाई थप प्रभावकारी बनाउने अपेक्षा गरिएको छ।