विराटनगर । विराटनगर–१५ मा अवस्थित किरातेश्वर माङखिम (माङहिम) को वार्षिकोत्सव कार्यक्रम विविध कार्यक्रमका साथ सम्पन्न भएको छ।

वार्षिकोत्सवका अवसरमा किरात धर्म, संस्कृति र परम्पराको संरक्षण तथा प्रवर्द्धन गर्ने उद्देश्यले पूजा–अर्चना, सांस्कृतिक प्रस्तुति तथा शुभकामना आदान–प्रदान कार्यक्रम आयोजना गरिएको थियो।

कार्यक्रममा स्थानीय श्रद्धालु, समाजसेवी तथा किरात समुदायका अगुवाहरूको उल्लेख्य सहभागिता रहेको थियो।

कार्यक्रममा वक्ताहरूले किरात सभ्यता, मुन्धुम र सांस्कृतिक पहिचान जगेर्ना गर्न माङखिमको भूमिका महत्वपूर्ण रहेको उल्लेख गर्दै भावी पुस्तालाई संस्कृतिसँग जोड्न यस्ता कार्यक्रम निरन्तर आवश्यक रहेको बताए।