विराटनगर । सप्तरीको राजविराजस्थित भेटेरिनरी अस्पताल तथा पशु सेवा विज्ञ केन्द्रका कार्यालय प्रमुख डा. राम पवित्र दाससहित दुई जनाविरुद्ध भ्रष्टाचार मुद्दा दायर भएको छ ।
अख्तियार दुरुपयोग अनुसन्धान आयोगले बुधबार उनीहरूविरुद्ध विशेष अदालत, काठमाडौँमा आरोप–पत्र दायर गरेको हो ।
कार्यालय प्रमुख डा. दास र प्रतिवादी बनाइएका अर्का एक जनाले पशु खोप कार्यक्रम सम्पन्न भएपश्चात् कर्मचारीहरूले कानुन बमोजिम पाउनुपर्ने पारिश्रमिक रकम भुक्तानी गरिदिए बापत घुस÷रिसवत माग गरी लिएको अख्तियारको अनुसन्धानबाट पुष्टि भएको छ ।
आयोगका अनुसार प्रतिवादीहरूले आपसी मिलेमतोमा रु. १ लाख ३२ हजार ३५० घुस लिएको पुष्टि हुन आएको छ ।
उक्त कार्य भ्रष्टाचार निवारण ऐन, २०५९ को दफा ३ को उपदफा (१) को देहाय (ग) बमोजिमको कसुर भएकाले आयोगले विशेष अदालतमा देहाय बमोजिमको माग दाबी लिएको छ ।बिगो रकम एक लाख बत्तीस हजार तीन सय पचास रुपैयाँ कायम गर्न सजाय माग गरिएको छ ।
अख्तियारका अनुसार कसुरदारहरूलाई कानुन बमोजिम कैद सजाय र बिगो बमोजिम नै जरिवाना सजाय हुने र यसअघि अख्तियारको इटहरीस्थित कार्यालयबाट खटिएको टोलीले उनीहरूलाई घुस रकमसहित नियन्त्रणमा लिएको थियो ।
Lite Nepal
१.
२.
३.