काठमाडौं । कोरोना महामारीका बिच पनि यो दशैमा राष्ट्र बैंकले नयाँ नोट वितरण गर्ने योजना भने बनाएको छ ।

तर, कोरोनाले कत्तिको असर गर्ला र भनेर अहिले राष्ट्र बैंकले कुनै निर्णय भने गरेको छैन ।

राष्ट्र बैंकको मुद्रा व्यवस्थापन विभागका कार्यकारी निर्देशन रेवति नेपाल अहिले नियमित प्रक्रियाबाट नयाँ नोट छपाइ भएर आइरहेको बताउँछन् ।

उनका अनुसार दशैंमा वितरण गर्नका लागि नयाँ नोटको खासै अभाव हुने छैन ।

फेरि थप नयाँ नोट पनि आउने प्रक्रियामा नै रहेको कार्यकारी निर्देशन नेपालले बताए ।

नयाँ नोट वितरण गर्ने नगर्ने वा के कसरी गर्ने भन्ने विषयमा भने कुनै छलफल नभएको उनले बताए ।

अझै दशैं आउन एक महिना भन्दा लामो समय बाँकी रहेका कारण अहिले कुनै छलफल नभएको उनको भनाइ छ ।