काठमाडौं । नेपाली बजारमा सुनको मूल्य आज पनि घटेको छ। मंगलबार सुनको भाउ तोलामा ३ हजार ८ सय रुपैयाँले घटेको हो। यसअघि सोमबार पनि सुनको मूल्य तोलामा ५ हजार रुपैयाँले घटेको थियो।

नेपाल सुनचाँदी व्यवसायी महासंघका अनुसार आज छापावाल सुनको मूल्य प्रतितोला २ लाख ९० हजार ५ सय रुपैयाँ कायम भएको छ। अघिल्लो दिन सुन प्रतितोला २ लाख ९४ हजार ३ सय रुपैयाँमा कारोबार भएको थियो।

त्यस्तै, चाँदीको मूल्य पनि आज घटेको छ। चाँदीको भाउ तोलामा ११५ रुपैयाँले घटेर ४ हजार ३९५ रुपैयाँ कायम भएको छ। अघिल्लो दिन चाँदी प्रतितोला ४ हजार ५१० रुपैयाँमा कारोबार भएको थियो। यसअघि चाँदीको मूल्य पनि तोलामा १४५ रुपैयाँले घटेको थियो।