काठमाडौं । कर्णाली याक्सले नेपाल प्रिमियर (एनपीएल) को तेस्रो संस्करणमा जनकपुर बोल्ट्सविरुद्ध सुरुआतमै विकेट लिएको छ ।

मंगलबार कीर्तिपुरस्थित त्रिवि क्रिकेट रंगशाला कर्णालीले प्रस्तुत गरेका १३३ रनको लक्ष्य पछ्याएको जनकपुरले १.२ ओभरमा ओपनर तृतराज दासलाई गुमाएको हो ।

कर्णालीका कप्तान सोमपाल कामीको बलमा तृतराज गुल्सन झाबाट क्याच आउट भएका हुन् ।

जनकपुरविरुद्ध टस हारेर ब्याटिङमा आएको कर्णालीले पहिलो इनिङमा निर्धारित २० ओभरमा नौ विकेट गुमाएर १३२ रनको योगफल खडा गरेको थियो ।