विराटनगर । झापाको दुई फरक स्थानबाट खैरो हिरोइन (ब्राउनसुगर) सहित तीन जना पक्राउ परेका छन् ।

कचनकवल गाउँपालिका १ बगान र गौरीगंज गाउँपालिका २ दासचौरीबाट तिन भारतिय नागरिक ब्राउनसुगर सहित पक्राउ परेका हुन् ।

बगान एरियाबाट पक्राउ पर्नेमा भारत बिहार किशनगंज सुखानाडिगी पदमपुरका ३२ बर्षीय फरबेद आलम रहेका छन । विहीबार दिउसो पौने ४ बजे विशेष सुराकका आधारमा जिल्ला प्रहरी कार्यालय झापाबाट खटिएको प्रहरी टोलीले आलमलाई प्लाष्टिकमा लुकाइ राखेको १४ ग्राम ८९ मिलिग्राम ब्राउनसुगर सहित पक्राउ गरेको हो ।

यसै गरी गौरीगंजबाट पक्राउ पर्नेमा भारत किसनगंज सिंहमारी ग्रामपंचायतका २० बर्षीय मुजफर आलिग र २५ बर्षीय जहागिर आलम रहेका छन ।

उनिहरुलाई दासचौरी स्थितमा खटिएको प्रहरी टोलीले विहीबार राती ८ ग्राम २०० मिलिग्राम ब्राउनसुगर सहित पक्राउ गरेको जिल्ला प्रहरी कार्यालय झापाका प्रमुख एसपी कृष्ण कोइरालाले जानकारी दिए ।

पक्राउ परेका तिनै जना भारतिय नागरिक माथि थप अनुसन्धान भइरहेको झापा प्रहरीले जनाएको छ ।