विरानगर । प्रदेश १ सरकारले स्वास्थ्य क्षेत्रका लागि तीन अर्ब २५ करोड बजेट विनियोजन गरेको छ । आर्थिक मामिला तथा योजना मन्त्री टङ्क आङ्बुहाङले बजेट प्रस्तुत गर्दै स्वास्थ्य क्षेत्रको सुधारका लागि सो रकम विनियोजन गरेको बताएका हुन् ।

सरकारले मेची अस्पताललाई दुई सय बेड, जिल्ला अस्पताल पाँचथर र धनकुटालाई एक–एक सय र अन्य जिल्ला अस्पताललाई ५० बेडमा स्तरोन्नति गर्ने योजना बनाएको छ ।

प्रदेश सरकारले कोसी कोभिड अस्पताललाई कोरोनापछि प्रादेशिक प्रसूति गृह बनाउने भएको छ ।

कोरोना रोकथाम नियन्त्रण र उपचारका लागि प्रदेशले ४४ करोड बजेट विनियोजन गरेको छ ।

प्रदेश सरकारले शिक्षा क्षेत्रको विकासका लागि एक अर्ब १९ करोड बजेट विनियोजना गरेको छ । सो बजेटले पुस्तकालय, संरचना र शैक्षिक सामग्री सुधार गरिनेछ ।