काठमाडौं । सरकारले संघीय संसद्को हिउँदे अधिवेशन माघ १८ गते बोलाउने निर्णय गरेको छ ।

आज बसेको मन्त्रिपरिषद् बैठकले हिउँदे अधिवेशन यही माघ १८ गते आहृवान गर्न राष्ट्रपतिसमक्ष सिफारिस गर्ने निर्णय गरेको हो ।

संसद् बैठक बोलाउन आलटाल गरेको भन्दै विपक्षी दलहरुले सरकारको आलोचना गर्दै आएका थिए । मन्त्रिपरिषद् बैठकको सिफारिसमा राष्ट्रपतिले संघीय संसद्को अधिवेशन आहृवान गर्ने संवैधानिक व्यवस्था छ ।

मन्त्रिपरिषद् बैठक बस्नुअघि प्रधानमन्त्री केपी शर्मा ओली र सभामुख देवराज घिमिरेबीच छलफल भएको थियो । सभामुखसँगको परामर्शपछि नै सरकारले अधिवेशन आह्वानको सिफारिस गरेको हो ।