Lite Nepal

सोमबार, भाद्र २२, २०७७

विराटनगर । प्रदेश १ मा कोरोना संक्रमितको संख्या चार हजार नाघेको छ ।

एक सय ४३ जना नयाँ बिरामी थपिएसँगै संक्रमित संख्या चार हजार २२ पुगेको हो ।

आइतबार एक हजार दुई सय ६७ जनाको पीसीआर परीक्षण भएकोमा नयाँ ३१ महिला र एक सय १२ पुरुषको रिपोर्ट पोजिटिभ आएको थियो ।

एक हजार एक सय २४ जनाको रिपोर्ट नेगेटिभ आएको सामाजिक विकास मन्त्रालयले जनाएको छ ।

मन्त्रालयका अनुसार हालसम्म ९८ हजार चार सय ८८ जनाको पीसीआर परीक्षण गरिएको छ । परीक्षण भएकामध्ये ९४ हजार चार सय ६६ जनाको रिपोर्ट नेगेटिभ आएको छ ।

एकै दिन थपिएका नयाँ संक्रमितमा सबैभन्दा बढी सुनसरीका ७८ जना रहेका छन् ।

सुनसरी बाहेक मोरङका २९, झापाका २८, संखुवासभाका छ, उदयपुर र प्रदेश १ बाहिरका एक÷एक जनामा २४ घण्टाभित्रमा कोरोना संक्रमण पुष्टि भएको मन्त्रालयले जनाएको छ ।

सुनसरीको पनि धरानमा सबैभन्दा बढी ७१ जनामा संक्रमण पुष्टि भएको छ । जसमा एक महिला र ७० जना पुरुष छन् ।

धरान बाहेक सुनसरीको इटहरीमा पाँच महिला र दुई पुरुषमा कोरोना देखिएको छ ।

मोरङको विराटनगर महानगरपालिकामा नौ महिला र १६ पुरुष, सुनवर्षीमा दुई पुरुष जहदा र बूढीगंगामा एक÷एक महिलाको रिपोर्ट पोजेटिभ आएको मन्त्रालयले जनाएको छ ।

त्यस्तै झापाको बिर्तामोडमा आठ महिला, दुई पुरुष, कमल गाउँपालिकामा तीन महिला, सात पुरुष, मेचीनगरमा दुई महिला, चार पुरुष, अर्जुनधारा र स्थानीय तह नखुलेका एकरएक जना महिलामा कोरोना पुष्टि भएको छ ।

संखुवासभाको खाँदबारीमा तीन, चैनपुरमा दुई र चिचिलामा एक पुरुष, उदयपुरको त्रियुगामा एक पुरुष र प्रदेश १ बाहिरका एक महिलाको रिपोर्ट पोजेटिभ आएको मन्त्रालयले जनाएको छ ।

प्रदेश १ मा हालसम्म डिस्चार्ज हुनेको संख्या एक हजार आठ सय ४३ पुगेको छ ।

तपाईको प्रतिक्रिया
सम्बन्धित खबरहरु
Social Media
हाम्रो बारेमा

प्रकाशक कम्पनी : प्रदेश सूचना नेटवर्क प्रा.लि.
दर्ता नं. : २४२२३२/०७७/०७८
www.litenepal.com नेपाली भाषाको अनलाइन समाचार पोर्टल हो । यसको केन्द्रीय कार्यालय काठमाडौमा छ भने प्रदेश १ को राजधानी विराटनगरमा क्षेत्रीय र झापा बिर्तामोडमा समेत शाखा कार्यालय छ ।

हाम्रो टिम

सम्पादक
रमेश गाम्नागे

 

सम्पर्क

केन्द्रीय कार्यालय : थापागाउँ, काठमाडौं
(977)9820718140
[email protected]
क्षेत्रीय कार्यालय : बरगाँछी, विराटनगर
शाखा कार्यालय : बिर्तामोड ५, झापा