विराटनगर । कन्ट्याक्ट ट्रेसिङमा परेका प्रदेश १ का उद्योग, पर्यटन, बन तथा वातावरण मन्त्री जगदीश कुशियतको पीसीआर रिपोर्ट नेगेटिभ आएको छ ।

मन्त्री कुशियतको मंगलबार विहान रिपोर्ट आएको हो ।

मन्त्री कुशियत मेचीनगरको धुलावारीमा रहेको होटल मेची क्राउनमा पाहुना आउँदा कन्ट्याक्ट ट्रेसिङमा परेका थिए ।

मन्त्री कुशियत असोज २१ गतेको कार्यक्रममा भाग लिने क्रममा असोज २० गते बेलुका होटल मेची क्राउनमा आइपुगेका थिए । त्यहाँ उनको झापा जिल्ला समन्वय समितिका प्रमुख सोमनाथ पोर्तेल सँग भेट भएको थियो ।

असोज १९ गते नै कोरोना परीक्षणका लागि स्वाव दिएका जिसस प्रमुख पोर्तेललाई असोज २१ कोरोना संक्रमण भएको थियो ।

प्रमुख पोर्तेल संक्रमित भएपछि मन्त्री कुशियत होम आइसोलेसनमा बस्दै आएका थिए ।