विराटनगर । गायिका मेनुका पौडेल नवरात्रको अवसर पार्दै दुर्गा भजनको भिडियो लिएर आएकी छिन् । मंगलबार यूटुवबाट सार्वजनिक गरिएको ‘हे नवदुर्गा’ नामक भजनमा मेनुकालाई पंडित कुवेर सुबेदीले साथ दिएका छन् ।

भजनको शब्द समेत कुवेरकै रहेको छ । झापाको चारआली स्थित पाउ पाथीभरामा छायांकन गरिएको उक्त भजनको भिडियोमा गायक, गायिका मेनुका र कुवेर सँगै नौ जना कन्यालाई फिचरिङ गरिएको छ ।

भजनमा संगित राजु अधिकारीको रहेको छ भने एरेन्ज भुपु पाण्डेले गरेका छन् । रिश्चल सुवेदीले छायांकन गरेको उक्त भजन मन्त्रा सङ नामक यूटुव च्यानलबाट सार्वजनिक गरिएको हो ।

भजनमा नवदुर्गा भवानीको आरधना गरिएको छ ।