विराटनगर । प्रधानमन्त्री केपी शर्मा ओली आज (सोमबार) काठमाडौं बाहिर निस्कदैछन् ।

प्रधानमन्त्री ताप्लेजुङको घुन्सा, ओलाङ्चुङ्गोला र इलाम जान लागेको उनका प्रेस विज्ञ रामशरण बजगाईंले बताए ।

प्रधानमन्त्री ओलीले ताप्लेजुङ र इलामका विकास निर्माणका आयोजनाहरूको निरीक्षण गर्ने कार्यक्रम छ । सीमा क्षेत्रको समेत भ्रमण गर्ने कार्यक्रम रहेको बताइएको छ ।

ताप्लेजुङको घुन्सामा एक कार्यक्रममा सहभागी भएर ताप्लेजुङ र इलामको बीओपीको निरिक्षण गर्दै उनी काठमाडौं फर्कनेछन् ।

गत फागुन २२ गते मिर्गौला प्रत्यारोपण गरिएपछि उनी दोस्रो पटक काठमाडौंबाहिर जान लागेका हुन् । ओली अस अघि संखुवासभा गएका थिए ।