इलाम – इलाम जिल्लामा पनि नैरोबी फ्लाईको संक्रमण भेटिएको छ । नैरोबी फ्लाईलाई एसिड फ्लाई पनि भनिन्छ।

माई, सूर्योदय र इलाम नगरपालिका र रोङ गाउँपालिकालगायत जिल्लाका केही स्थानीय तहमा नैरोबी फ्लाई सङ्क्रमणबाट पीडित व्यक्तिहरू भेटिएका छन्।

रातो र कालो पेट भएको लामखुट्टे जस्तो देखिने कीरा नैरोबी फ्लाईको टोकाइबाट संक्रमण भएको बताइएको छ । कीराको दिसाबाट यो संक्रमण मानिसमा सर्छ । जिल्ला स्वास्थ्य कार्यालयका श्रोत व्यक्ति विमल बरालले नैरोबी फ्लाईबाट संक्रमित व्यक्ति अस्पताल आउन थालेको बताए ।

उनले भने, ‘किराको टोकाइबाट बच्न रातिको समयमा लामखुट्टेको जाली प्रयोग गर्नुपर्छ । हालैको अवधिमा नैरोबी फ्लाईबाट सङ्क्रमित व्यक्तिहरू जिल्ला सरकारी अस्पताल र निजी अस्पतालका साथै फार्मेसीहरूमा गएको पाइएको छ। संक्रमित व्यक्तिमा दाना, चिलाउने र छालामा छाला हुने जस्ता विभिन्न लक्षणहरू देखा पर्छन्। नैरोबी फ्लाई संक्रमणको उपचार हुने भएकाले नआत्तिन स्वास्थ्यकर्मीले आग्रह गरेका छन् । विशेषगरी बालबालिका र वृद्धवृद्धालाई संक्रमणबाट जोगाउनुपर्छ ।’