ताप्लेजुङ । फक्ताङलुङ गाउँपालिकाको केन्द्र तापेथोकमा गएको पहिरोले गाउँपालिकाको कार्यालय, प्रहरी चौकीलगायतमा क्षति पुऱ्याएको छ ।

जिल्ला प्रहरी कार्यालय ताप्लेजुङका अनुसार मानवीय क्षति भएको छैन । तमोर करिडोरको सडक अवरुद्ध रहेको र विद्युतको प्रसारण लाइन अवरुद्ध भएको गाउँपालिका अध्यक्ष राजन लिम्बूले जानकारी दिए ।

गाउँपालिका भवन लेदोले पुरिएको छ । तापेथोक प्रहरी चौकी पनि लेदोले पुरिएको प्रहरी निरीक्षक प्रहरी प्रवक्ता कमल लुङ्गेलिले जानकारी दिए ।

क्षतिको थप विवरण आउन बाँकी रहेको छ ।