विराटनगर ।  नेपाली कांग्रेसको असन्तुष्ट समूहले संस्थापन पक्षसँग सहमति जुट्न नसकेको भन्दै छुट्टै महाधिवेशन प्रक्रिया अघि बढाउने भएको छ। शशांक कोइरालाको नेतृत्वमा चुनदेवीमा सम्पर्क कार्यालय स्थापना गर्दै समूहले असोज १५ देखि वडा अधिवेशन र मंसिरमा केन्द्रीय महाधिवेशन गर्ने जनाएको छ।

नेता प्रकाशशरण महतले एकताको महाधिवेशनका लागि गरिएको संवाद सफल नभएपछि वैकल्पिक रूपमा अधिवेशनको तयारी थालिएको बताए। कोइरालाले महाधिवेशन कांग्रेसका लागि ‘परीक्षाको समय’ भएको भन्दै सबैलाई समेटेर अघि बढ्ने बताएका छन्।