३० आश्विन २०८३, शुक्रबार
Lite Nepal
काठमाडौं । नेपाली कांग्रेसले सरकारले ल्याउन लागेको भूमिसम्बन्धी अध्यादेशको औपचारिक विरोध गर्दै यसलाई संसद्मार्फत नै छलफल गरी अगाडि बढाउनुपर्ने अडान राखेको छ ।
शुक्रबार सिंहदरबारमा आयोजित पत्रकार सम्मेलनमा बोल्दै कांग्रेस संसदीय दलकी प्रमुख सचेतक वासना थापाले अध्यादेशमार्फत ऐन संशोधन गर्ने सरकारी कदम संसदीय लोकतान्त्रिक प्रक्रिया विपरीत रहेको बताएकी हुन् ।
प्रमुख सचेतक थापाले कानुनमन्त्री सोविता गौतमले विगतमा आफैँले उठाएको संशोधनको एजेन्डा र अहिले सरकारमा रहँदा लिएको अडान विरोधाभासपूर्ण रहेको भन्दै आलोचना गरिन् ।
“कानुनमन्त्रीज्यू आफैँले हिजो राख्नुभएको संशोधन, हिजो राम्रो, राइट हुने, आज त्यही संशोधन रङ हुने किन भन्ने धेरै कुराहरू उब्जिएको छ,” उनले भनिन् ।
नेपाली कांग्रेसले यसअघि पनि भूमिसम्बन्धी अध्यादेश ल्याउने प्रयास हुँदा विरोध जनाएको स्मरण गराउँदै थापाले अध्यादेशभन्दा संसद्को सार्वभौम मञ्चबाटै बृहत् छलफल गरी कानुन निर्माण गर्नुपर्नेमा जोड दिइन् ।
१.
२.
३.