विराटनगर । आज तिहार अघिको अन्तिम कारोबार दिन शेयर बजार बढेर बन्द भएको छ । आज नेप्से परिसूचक २ दशमलव ६४ अंकले बढेर २,६५५ को विन्दुमा कायम भएको छ । आज १५७ कम्पनीको शेयर मूल्य बढेको छ भने १०७ कम्पनीको शेयर मूल्य घटेको छ ।

दिनभरिमा ३३६ कम्पनीको १ करोड ७ लाख १३ हजार कित्ता शेयर किनबेच हुँदा ३ अर्ब ४६ करोड माथिको शेयर कारोबार भएको छ । आज सबैभन्दा धेरै घोराही सिमेन्टको शेयर कारोबार भएको छ । यस कम्पनीको २१ करोड ६३ लाख रुपैयाँको शेयर कारोबार भएको छ ।

यस्तै श्वेत गंगाको १२ करोड ७९ लाख रुपैयाँको शेयर कारोबार भएको छ भने रिलायन्स स्पिनिङ मीलसको ११ करोड ९३ लाख रुपैयाँको शेयर कारोबार भएको छ । आज सबैभन्दा धेरै क्रेष्ट मायक्रो लाइफका लगानीकर्ताले कमाएका छन् । यस कम्पनीका लगानीकर्ताले १४ दशमलव ०८ प्रतिशतका दरले कमाएका हुन् ।

यस्तै बेनी हाइड्रोका लगानीकर्ताले ५ दशमलव ७८ प्रतिशतका दरले कमाएका छन् भने राष्ट्रिय बीमा कम्पनीले ३ दशमलव ४२ प्रतिशतका दरले कमाएका छन् ।

आज सबैभन्दा धेरै घोराही सिमेन्टका लगानीकर्ताले गुमाएका छन् । यस कम्पनीका लगानीकर्ताले ४ दशमलव ४३ प्रतिशतका दरले गुमाएका हुन् ।