धनकुटा । धनकुटामा कौडा खेलेको आरोपमा १५ जना पक्राउ परेका छन् । पाख्रिबास नगरपालिका-४ स्थित गणेश गुरुङको घरमा कौडा खेलिरहेको अवस्थामा १५ जनालाई प्रहरीले नियन्त्रणमा लिएको हो ।

प्रहरी टोलीले जुवा खेलिरहेको अवस्थामा १६ वटा कौडासहित नगद १६ हजार ५ सय रुपैयाँ बरामद गरेको जनाएको छ ।

साथै पक्राउ परेका १५ जनाको साथबाट थप २ लाख ९६ हजार ८ सय रुपैयाँ नगद फेला परेको प्रहरीले जनाएको छ ।

प्रहरीले उनीहरुबाट कुल ३ लाख १३ हजार ३ सय रुपैयाँ नगद बरामद गरेको जिल्ला प्रहरी कार्यालय सूचना अधिकारी प्रहरी नायब उपरिक्षक हेमन्त भण्डारी क्षेत्री जानकारी दिए ।

पक्राउ परेका सबैलाई जिल्ला प्रहरी कार्यालय धनकुटामा ल्याई थप अनुसन्धान भइरहेको प्रहरीले जनाएको छ ।