विराटनगर । निर्माण व्यवसायी संघ कोशी प्रदेशको अध्यक्षमा केशरकुमार बुढाथोकी निर्वाचित भएका छन् ।
नवौं अधिवेशनले बुढाथोकीलाई अध्यक्षमा चयन गरेको हो । बुढाथोकीले २७२ मत प्राप्त गरेका थिए भने उनका निकटत प्रतिष्पर्धी कमलप्रसाद गौतमले १३२ मत पाए। अध्यक्षमा निर्वाचित बुढाथोकी निवर्तमान बरिष्ठ उपाध्यक्ष हुन् ।

उपाध्यक्षमा भने रमेश कार्की निर्वाचित भएका छन् । उनले २४० मत प्राप्त गरे भने द्धितिय उपाध्यक्षमा निर्वाचित चन्द्र सापकोटा २३३ मत ल्याएर । तृतीय उपाध्यक्षमा मिलनकुमार बस्नेत निर्वाचित भएका छन् । उनले २६२ मत प्राप्त गरे। यस्तै महासचिवमा सन्तोषकुमार बस्नेत २८७ मत ल्याएर निर्वाचित भएका छन् ।

संघको नीतिगत उपमहासचिवमा लिलाप्रसाद गुरागाई २४४ मत र आन्तरिक उपमहासचिवमा चन्द्र पाठक २४० मत ल्याएर निर्वाचित भए । कोषाध्यक्षमा किशोर भट्टराई २४३ मत ल्याएर निर्वाचित भएको निर्वाचन समितिले जनाएको छ ।
निर्माण व्यवसायी संघ कोशीको १६ औं साधारणसभा तथा ९औं अधिवेशन शुक्रबारबाट विराटनगरमा सुरु भएको थियो ।