काठमाडौं । राष्ट्रपति कार्यालय शीतल निवासमा आयोजित विशेष समारोहमा नवनियुक्त प्रधानमन्त्री बालेन्द्र शाह (बालेन)ले पद तथा गोपनीयताको शपथ लिएका छन् । सो अवसरमा पूर्वप्रधानमन्त्रीहरूको उल्लेखनीय उपस्थिति रहेको थियो ।

समारोहमा पूर्वप्रधानमन्त्रीहरू पुष्पकमल दाहाल ‘प्रचण्ड’, माधवकुमार नेपाल, झलनाथ खनाल र डा. बाबुराम भट्टराई सहभागी भएका थिए । साथै, अन्तरिम सरकारको नेतृत्व गरेका पूर्वप्रधानमन्त्री तथा सर्वोच्च अदालतका पूर्वप्रधानन्यायाधीश खिलराज रेग्मी पनि उपस्थित थिए ।

पूर्वप्रधानमन्त्री तथा नेकपा (एमाले) का अध्यक्ष केपी शर्मा ओली भने समारोहमा अनुपस्थित रहे । अर्का पूर्वप्रधानमन्त्री तथा नेपाली कांग्रेसका पूर्वसभापति शेरबहादुर देउवा विदेश भ्रमणमा रहेकाले कार्यक्रममा सहभागी हुन सकेनन् ।