विराटनगर । प्रदेश प्रमुख परशुराम खापुङ्ले कोशी प्रदेश सभाबाट पारित भएको कोशी प्रदेश विधायन विधेयक, २०८२ प्रमाणीकरण गरेका छन्।
प्रदेश सभाले २०८२ चैत १८ गते पारित गरी प्रमाणीकरणका लागि पेश गरेको उक्त विधेयकलाई प्रदेश प्रमुख खापुङ्ले नेपालको संविधानको धारा २०१ को उपधारा (२) बमोजिम प्रमाणीकरण गरेका हुन्।

विधेयक प्रमाणीकरण भएसँगै अब यो कानुनका रूपमा कार्यान्वयनमा आउनेछ। यसले प्रदेशको विधायन प्रक्रियालाई थप व्यवस्थित र प्रभावकारी बनाउने अपेक्षा गरिएको छ।