विराटनगर । नेपाल आयल निगम कोशी प्रादेशिक कार्यालयको मातहतमा सञ्चालित विभिन्न ग्यास उद्योगहरूले कोशी प्रदेशका विभिन्न जिल्लाहरूमा एलपी ग्यासको आपूर्तिलाई तीव्र बनाएका छन् ।

साउन २० गतेको सेल्स प्लानअनुसार प्रदेशका मोरङ, सुनसरी, सप्तरी, सिराहा, उदयपुर र धनकुटा लगायतका क्षेत्रमा कुल २३ हजार ७८२ सिलिण्डर खाना पकाउने ग्यास पठाउन लागिएको छ ।

बजारमा ग्यासको सहज उपलब्धता र आपूर्ति व्यवस्थापनका लागि निगमको नियमित अनुगमन समेत जारी रहेको छ । उपभोक्ताले आफ्नो नजिकैको आधिकारिक डिलरमार्फत ग्यास खरिद गर्न सक्नेछन्।