काठमाडौँ । राष्ट्रिय स्वतन्त्र पार्टीका सांसद तथा पर्वतारोही मिङ्मा ग्याबु शेर्पाले दक्ष पर्वतारोही तथा हिमाली पथप्रदर्शकलाई विदेश पलायन हुनबाट रोक्न सरोकारवाला सबै एकजुट हुनुपर्ने बताएका छन्।

सगरमाथा आरोही संघको २५औँ वार्षिकोत्सवमा बोल्दै उनले पर्वतारोहीलाई उचित पारिश्रमिक, सम्मान र अधिकार सुनिश्चित गर्न नीतिगत सुधार आवश्यक रहेको बताए। नयाँ पर्यटन विधेयकमा पर्वतारोहीका समस्या र अधिकार समेट्न सरोकारवालाले स्पष्ट सुझाव दिनुपर्ने उनको भनाइ थियो।

व्यक्तिगत स्वार्थ र राजनीतिभन्दा माथि उठेर नेपालको पर्वतीय पर्यटनको भविष्यका लागि काम गर्नुपर्नेमा जोड दिँदै शेर्पाले दक्ष पर्वतारोहीको पलायन रोक्न सबै पक्ष एकजुट हुनुपर्ने बताए।