काठमाडौं । ललितपुर महानगरपालिका–२४ धापाखेलमा साढे दुई तले घर भत्किएको छ। सोमबार बिहान करिब ६ बजेर ३५ मिनेटमा सोवितकुमार थापाको घर भत्किएको ललितपुर प्रहरीले जानकारी दिए।

घर जोखिममा रहेको भन्दै घरधनीलाई अघिल्लो दिन नै घर खाली गर्न आग्रह गरिएको थियो। त्यसैले घर भत्किँदा मानवीय क्षति नभएको प्रहरीले जनाएको छ। उक्त घरमा थापासहित तीन जनाको परिवार बस्दै आएको थियो।

अविरल वर्षाका कारण जमिन गलेर कमजोर बनेपछि भिरालो सतहमा निर्माण गरिएको घर भत्किएको र घर भत्किँदा घरमुनि रहेको खोल्सोसमेत थुनिएको प्रहरीले जनाएको छ।