विराटनगर । संखुवासभा र धनकुटाबाट प्रहरीले जुवातास खेलिरहेको अवस्थामा १३ जनालाई पक्राउ गरेको छ। प्रहरीले उनीहरूको साथबाट ५ बुङ्ग तास र २ लाख ४ हजार ३ सय ८० रुपैयाँ नगद बरामद गरेको छ।

संखुवासभाको खाँदबारी नगरपालिका–८ जिरो प्वाइन्टस्थित मानबहादुर तिवारीको घरबाट ५ जनालाई पक्राउ गरिएको हो। उनीहरूको साथबाट १ बुङ्ग तास र ८९ हजार ८३० रुपैयाँ बरामद भएको प्रहरीले जनाएको छ।

यस्तै, धनकुटा नगरपालिका–१ हिलेस्थित सिताराम श्रेष्ठको घरबाट ८ जना पक्राउ परेका छन्। उनीहरूको साथबाट ४ बुङ् तास, ११९ वटा गोटी र १ लाख १४ हजार ५५० रुपैयाँ नगद बरामद भएको कोशी प्रदेश प्रहरी कार्यालय विराटनगरले जनाएको छ । पक्राउ परेकामाथि आवश्यक कानुनी कारबाही भइरहेको प्रहरीले जनाएको छ।