विराटनगर । विराटनगरको हस्पिटल चोकमा सञ्चालित तीन वटा फार्मेसी शिलबन्दी गरिएको छ। औषधि व्यवस्था विभागले मंगलबार इमान फार्मेसी, खुश फार्मेसी र सुरेश फार्मेसीमा शिलबन्दी गरेको हो।

औषधि व्यवस्था विभाग विराटनगरका फार्मेसी निरीक्षक एलन खड्काका अनुसार फार्मेसीको नवीकरण नगरेको तथा अनुचित रूपमा औषधि भण्डारण गरेको पाइएपछि ती फार्मेसी शिलबन्दी गरिएको हो।

खड्काका अनुसार विभागले गरेको अनुगमनका क्रममा नियमविपरीत सञ्चालन तथा औषधि भण्डारण गरिएको पाइएपछि कारबाहीस्वरूप शिलबन्दी गरिएको हो।