ताप्लेजुङ । पाथीभरा देवी दर्शन केबलकार प्रा.लि ले ताप्लेजुङको दोभान बजारका आगलागी पीडितका लागि ५ लाख रुपैयाँ सहयोग गरेको छ ।

प्रा. लिका प्रतिनिधि बुधवार दोभान बजारमा पुगेर उक्त रकमको चेक हस्तान्तर गरिएको केबलकार कम्पनीका सञ्चालक रुद्र पौडेलले जानकारी दिए ।

कम्पनीले ताप्लेजुङका विभिन्न सामाजिक काममा समय समयमा सहयोग पनि गर्दै आएको छ ।

ताप्लेजुङको दोस्रो ठुलो व्यापारिक केन्द्र दोभान बजारमा गत असोज ८ गते आगलागी भएको थियो ।

आगलागी हुँदा १० घरमा क्षति पुगेको बताइएको छ । दिउँसो स्थानीय डण्डु शेर्पाको घरबाट विद्युत् सर्ट भएर आगलागी भएको बताइएको छ ।