काठमाडौं । नेपाली कांग्रेसका सभापति शेरबहादुर देउवा पक्षको १५औँ केन्द्रीय महाधिवेशन तयारी समितिको बैठक आगामी मंसिर ९ गते बस्ने भएको छ । सचिवालय समन्वय समितिका संयोजक दीपकप्रसाद कुइँकेलले विज्ञप्ति जारी गर्दै बैठक मंसिर ९ गते बुधबार बिहान ११ बजे चुनदेवीस्थित सम्पर्क कार्यालयमा बस्ने जानकारी दिएका हुन् ।
विज्ञप्तिमार्फत पार्टीका केन्द्रीय पदाधिकारी तथा सदस्यहरूका साथै महाधिवेशन तयारी समितिमा रहेका सम्पूर्ण सदस्यलाई बैठकमा अनिवार्य उपस्थित हुन अनुरोध गरिएको छ । देउवा पक्षले आगामी मंसिर २१ देखि २३ गतेसम्म १५औँ केन्द्रीय महाधिवेशन गर्ने तयारी गरेको छ । महाधिवेशनको तयारी तथा व्यवस्थापनका विषयमा बैठकमा छलफल हुने बताइएको छ ।

