Lite Nepal

आइतबार, मंसिर ०६, २०८३
फाइल फोटो

काठमाडौं । ज्यालासम्बन्धी विवाद समाधान नभएपछि जर्मनीको सबैभन्दा ठूलो मजदुर संगठन आईजी मेटलले सोमबार २४ घण्टे चेतावनीमूलक हडताल आह्वान गरेको छ। संगठनका अनुसार उत्तरी जर्मनीका १९ कम्पनीका करिब २३ हजार कामदार हडतालमा सहभागी हुनेछन्।

हडतालमा अटोमोबाइल निर्माता मर्सिडिज बेन्ज, पानीजहाज निर्माता मेयर वेफ्ट र वायु ऊर्जा कम्पनी सिमेन्स गामेसाका कर्मचारीसमेत सहभागी हुनेछन्। यसअघि गत शुक्रबार १७ औद्योगिक केन्द्रमा भएको हडतालमा करिब १२ हजार ३०० कामदारले काम छाडेका थिए।

कामदारको तलब ५ प्रतिशतले वृद्धि गर्नुपर्ने माग पूरा गराउन रोजगारदातामाथि दबाब सिर्जना गर्ने उद्देश्यले हडताल आयोजना गरिएको आईजी मेटलले जनाएको छ। तर, रोजगारदाताहरूले आगामी वर्ष एकमुष्ट रकम भुक्तानी गर्ने र सन् २०२८ को जुलाईदेखि तलबमा १.३ प्रतिशत वृद्धि गर्ने प्रस्ताव अघि सारेका छन्। दुवै पक्षबीच सहमति हुन नसकेपछि मजदुर संगठनले आन्दोलनलाई थप तीव्र बनाएको हो।

तपाईको प्रतिक्रिया
सम्बन्धित खबरहरु
Social Media
हाम्रो बारेमा

प्रकाशक कम्पनी : अर्बिट डिजिटल मिडिया नेटवर्क प्रा.लि
सूचना विभाग दर्ता नं. : ५३९७–२०८२/२०८३
www.litenepal.com नेपाली भाषाको अनलाइन समाचार पोर्टल हो । यसको केन्द्रीय कार्यालय कोशी प्रदेशको राजधानी विराटनगरमा छ, भने काठमाडाैंमा शाखा कार्यालय रहेकाे छ ।

हाम्रो टिम

सम्पादक
रविन भट्टराई

 

सम्पर्क

केन्द्रीय कार्यालय : विराटनगर – ४, मोरङ
021-465302
9705660565
[email protected]
शाखा कार्यालय : थापागाउँ, काठमाडौं