विराटनगर । गत वर्ष वैशाखदेखि लागू गरिएको कोरोना बीमाको अवधि असारदेखि सकिने भएको छ। १९ निर्जीवन बीमा कम्पनीहरूले संयुक्त रूपमा ुपुलु मार्फत कोरोना बीमा योजना सञ्चालनमा ल्याएका थिए।

यसअघि कोरोना बीमा गरेकाले असारसम्म आवेदन दिएमा मात्रै दावी भुक्तानी पाउने छन्। बीमा गरे पनि त्यसपछि आवेदन दिनेहरूले भुक्तानी दावी गर्न पाउने छैनन्।

बीमा समितिका कार्यकारी निर्देशक राजुरमण पौडेलले भने, ुभेरिफाइड भएकाले बीमा रकम पाउँछन्, असार मसान्तपछि यो योजना स्वतः खारेज भएको मानिन्छ।ु

नेपाल बीमक संघका अध्यक्ष दीपप्रकाश पाण्डेले असार मसान्तपछि संक्रमित हुनेले कोरोना बीमा दावी गर्न नसक्ने बताए।

ुअसार मसान्तसम्म संक्रमित हुनेले रकम पाउने छन्, त्यसपछि संक्रमित हुनेलाई भुक्तानी हुने छैन,ु पछिल्लो समय कोरोना बीमा गर्नेको संख्या एकदमै कम रहेको उनले बताए।

त्यस्तै आगामी असारपछि कुनै पनि किसिमका कोरोना बीमा योजना सञ्चालन पनि नहुने भएका छन्।

ुअसारपछि कोरोना बीमाको सम्पूर्ण योजना समाप्त हुन्छ। त्यसपछि नयाँ कोरोना बीमाका योजना पनि आउँदैन,ु समितिका कार्यकारी निर्देशक पौडेलले सेतोपाटीसँग भने।

उनका अनुसार कोरोना बीमा सम्बन्धी मापदण्डमा नै असारसम्म मात्रै लागू हुने गरी स्पष्ट व्यवस्था गरिएको छ। तर आवेदन दिएर प्रमाणित भइसकेकालाई भने क्रमिक रूपमा रकम भुक्तानी गर्दै लगिनेछ। हाल कोरोना बीमाको भुक्तानी दायित्व सरकारमा सरेको छ।