विराटनगर । ताप्लेजुङमा कोरोना संक्रमण नियन्त्रणका लागि प्रदेश १ सरकारले २० लाख रुपैयाँ बजेट निकासा गरेको छ ।

प्रदेश १ कोरोना जनसुरक्षा कोष, कोष सञ्चालक समितिको विहीबार बसेको बैठकले निर्णय गर्दै जिल्ला अस्पताल ताप्लेजुङका लागि १५ लाख र जिल्ला प्रशासन कार्यालयका लागि ५ लाख बजेट निकासा गरेको हो ।

जिल्ला अस्पतालका लागि निकासा भएको १५ लाख बजेटबाट अस्पतालले आइसोलेसन स्थापना, संचालन तथा उपचार सेवा सम्बन्धी खर्च गर्ने छ भने प्रशासनले ५ लाख रुपैयाँ होल्डिङ् सेन्टर संचालन तथा व्यवस्थापनमा खर्च गर्ने मुख्यमन्त्री तथा मन्त्रिपरिषदको कार्यालयले जनाएको छ ।