कालिकोट । पञ्चदेवल विनायक नगरपालिकाका एकै परिवारका खोलाले बगाएर चार जनाको मृत्यु भएको छ ।

शनिबार साँझ अछाम र कालिकोटको सिमानामा पर्ने नरहरिनाथ खोलाले बगाउँदा चार जनाको मृत्यु भएको हो ।

प्रहरीले मृत्यु हुनेमा पञ्चदेवल विनायक नगरपालिका–९ तानकोट बस्ने ३३ वर्षीया देवा बोहरा, उनकी छोरी १४ वर्षीया विपना बोहरा, एक वर्षीया आकृति बोहरा र छोरा ७ वर्षीय हेमन्त बोहरा रहेको जनाएको छ ।

उनीहरुलाई खोला तर्ने क्रममा बगाएको बताइएको छ ।