ताप्लेजुङ । ताप्लेजुङमा भतिजीसँगको अनैतिक सम्बन्ध खुल्ने डरले आफ्नै भाईले दाजुको हत्या गरेका छन् ।

भतिजीसँगको अनैतिक सम्बन्ध थाहा पाएपछि मेरिङ्देन गाउँपालिका ५ का पेम्बालाक्पा शेर्पाले आफ्नै दाजु फुर्वाग्यावेको हत्या गरेको प्रहरीले जनाएको छ ।

हत्यामा भतिजीको समेत संलग्नता रहेकाले दुबैजनालाई साउन १९ गते पक्राउ गरिएको ताप्लेजुङका प्रहरी प्रमुख महेन्द्रकुमार श्रेष्ठले जानकारी दिए ।

घरबाट ६ घण्टा टाढा रहेको गाइगोठमा बस्दै आएका फुर्वाग्यावेलाई साउन ८ गते हत्या गरेको खुलेको छ । ‘भाई र भतिजीबिचको सम्बध थाहा पाएपछि दाजुको चिर्पटले हानेर हत्या गरी गोठको अगेनामाथी राखेर म्याट्रिस, राडी र कम्बलले छोपेर आगो लगाएछन्,’ प्रहरी प्रमुख श्रेष्ठले भने ।