पाँचथर । पाँचथरका एक बन्दीलाई कारोना संक्रमण पुष्टि भएको छ ।

जिल्ला कारागारमा रहेका फिदिम नगरपालिका ६ का ४० वर्षीय पुरुषलाई संक्रमण देखिएको हो ।

जिल्ला प्रहरी कार्यालय पाँचथरको हिरासतमा रहेका उनलाई पुर्षक्षका लागि पाँच दिनअघि जेल चलान गरिएको जिल्ला प्रहरी कार्यालय पाँचथरका प्रहरी नायब उपरीक्ष सिद्धराज न्यौपानेले जानकारी दिए ।

कारागारमा उनीसँग तीनजनालाई क्वारेन्टाइनमा राखिएको कारागार प्रमुख सुरेन्द्र मुखियाले बताए । संक्रमित व्यक्तिसँगै रहेका अन्य दुईजनालाई भने संक्रमण देखिएको छैन ।

एक बन्दिमा कोरोना संक्रमण देखिएसँगै कारागारमा संक्रमण फैलिने जोखिम बढेको छ ।

कारागारमा जम्मा १४८ कैदीबन्दी छन् ।

जसमध्ये एक सय ३० जना पुरुष १६ महिला र दुई बालक रहेको मुखियाले जानकारी दिए ।