धरान । धरानस्थित वीपी कोइराला स्वास्थ्य विज्ञान प्रतिष्ठानको कोभिड १९ अस्प्तालमा सप्तरीका दुई कोरोना संक्रमितको मृत्यु भएको छ ।

प्रतिष्ठानका प्रवक्ता डा. निदेश सापकोटाका अनुसार राजविराज ७ का दुबै पुरुषको विहीबार १ घण्टाको अन्तरालमा मृत्यु भएको हो ।

प्रवक्ता सापकोटाका अनुसार छिन्नमस्ता अस्पतालबाट रिफर भएर कोभिड १९ अस्पतालमा भदौ ८ गते भर्ना भएका ५५ वर्षीय पुरुषको सवा एक बजे दिउँसो मृत्यु भएको छ ।

१५ वर्षदेखि मधुमेह र उच्च रक्तचाप रहेको बताएका प्रवक्ता सापकोटाले विरामीमा अल्परक्तको समस्या, कमजोरी देखिएको थियो ।

त्यसैगरि, राजविराजबाट आजै १ बजेर २० मिनेटमा भर्ना भएका अर्का ५० वर्षीय पुरुषको उपचारका क्रममा २ बजेर २ मिनेटमा मृत्यु भएको छ ।

प्रवक्ता सापकोटाका अनुसार विरामीमा ज्वरो, श्वासप्रश्वासमा समस्या र शरीर सिथिल हुने समस्या रहको थियो ।