ताप्लेजुङ । ताप्लेजुङको फुङ्लिङ नगरपालिका कोरोना संक्रमणको ‘हटस्पट’ बनेको छ ।

फुङ्लिङ नगरपालिकामा विहीबार एकैदिन ४८ जना संक्रमित भएको रिपोर्ट आएको जिल्ला प्रशासन कार्यालय ताप्लेजुङले जनाएको छ ।

प्रमुख जिल्ला अधिकारी उमेश पाण्डेका अनुसार पाँच दिन अघि संकलन गरिएको स्वावको रीपोर्ट विहीबार आएको र त्यसमा ४८ जना संक्रमित भेटिएको हो ।

पाँच दिन अघि फुङ्लिङ नगरपालिका ४ तोक्मेका ५८ जनाको स्वाब संकलन गरिएको थियो । सोही स्वाबको रीपोर्ट विहीबार आएको प्रजिअ पाण्डेले लाईट नेपाललाई बताए ।

ताप्लेजुङमा पहिले कोरोना संक्रमण देखिएका र मृत्यू भएकाहरुको कन्ट्रयाक टे«सिङमा परेकाहरुको स्वाब संकलन गरिरहेको र उनिहरुको पनि ठुलो संख्यामा पोजेटिभ रीपोर्ट आइरहेको छ ।

ताप्लेजुङका प्रमुख जिल्ला अधिकारी उमेश पाण्डेका अनुसार तोक्मे क्षेत्रका ५८ जनामा लिएको स्वाबमा २४ महिला र २४ पुरुषमा कोरोना पोजेटिभ देखिएको हो ।

जनस्वास्थ्य अधिकृत प्रतिमा खरेलका अनुसार ताप्लेजुङमा पीसीआर परीक्षणमा पोजेटिभ भएका ९६ जना र एण्टिजेन परीक्षण गर्दा पोजेटिभ आएका १० जना गरि हाल सम्म सक्रिय संंक्रमित १ सय ६ जना रहेका छन् ।

बुधवार ३२ जनामाको कोरोना पोजेटिभ रिपोर्ट आएको थियो । संक्रमितहरु अहिले पनि होम क्वारेन्टाइनमा बसेका छन् ।