ताप्लेजुङ । प्रदेश १ को हिमाली जिल्ला ताप्लेजुङमा पनि कोरोना संक्रमण र मृत्यूदर बढ्दै गएपछि आर्थिक मामिला तथा योजना मन्त्री टंक आङ्बुहाङले अस्पताललाई आवस्यक शैया र पीपीईसहित स्वास्थ्यसामग्री पठाएका छन् ।

आफ्नै निर्वाचन क्षेत्र रहेको जिल्ला र गृह जिल्ला समेत रहेको ताप्लेजुङमा सक्रिय संक्रमितको संख्यानै एक सय नाघेपछि उनिहरुको उपचारमा सहजताका लागि १० वटा शैया र पीपीईका सामान पठाएका हुन् ।

स्टेन, टुल बक्स लगायत १० थान शैया, २ सय थान पीपीइ सेट, ३ सय थान स्वाब संकलन गर्ने किटबक्स, ४५ थान थर्मलगन, मास्क र स्यानीटाइजर सहितका सामग्री ताप्लेजुङ पठाइएको मन्त्रालयले जनाएको छ ।

शुक्रवार सम्ममा सबै सामग्री फुङ्लिङ पुग्नेछन् । सबै सामग्री जिल्ला अस्पताललाई बुझाइने बताइएको छ ।