काठमाडौं । पछिल्लो समय कोरोना भाइरसको ओमिक्रोन भेरियन्ट छिमेकी देश भारतसहित अन्य देशहरूमा देखिएसँगै नेपालमा पनि यसको जोखिम बढेको छ । यही जोखिमलाई मध्यनजर गरी सरकारले विभिन्न ९ देशबाट नेपाल प्रवेशमा रोक लगाउने निर्णय गरेको छ ।
मन्त्रिपरिषदको बिहीबार (आज) बसेको बैठकले दक्षिण अफ्रिका, बोत्स्वाना, जिम्बाबे, नामिबिया, लेसोथो, इसबाटिनी, मोजाम्बिक, मलावी र हकङकबाट नेपाल प्रवेशमा रोक लगाउने निर्णय गरेको हो ।
यो व्यवस्था शुक्रबार राति १२ बजेदेखि लागु हुने बताइएको छ । यसअघि यी मुलुकबाट नेपालतर्फ आउँदै गरेकाहरूले अनिवार्य क्वारेन्टिनमा बस्नुपर्ने व्यवस्था लागु गरिएको छ ।