काठमाडौं । नेकपा (एमाले)को भ्रातृ संगठन राष्ट्रिय युवा संघ नेपालको अध्यक्ष क्षितिज थेबेले आज संगठनको नेतृत्व हस्तान्तरण गर्ने तयारी गरेका छन् ।

एमालेबाट ताप्लेजुङमा प्रतिनिधिसभा सदस्यका उम्मेदवार बनेका थेबेले नेतृत्व हस्तान्तरण गर्न लागेका हुन् । यसअघि पोखरामा सम्पन्न महाधिवेशनमै भएको भद्र सहमति अनुसार अध्यक्ष थेबेले उपाध्यक्ष महाराज गुरुङलाई अध्यक्षको जिम्मेवारी सुम्पन लागेका हुन् ।

आज एमाले अध्यक्ष केपी शर्मा ओलीको उपस्थितिमा युवा संघको आयोजनामा केन्द्रीय युवा परिषद्को पहिलो बैठक बस्दैछ । सोही बैठकमार्फत पोखरामा सम्पन्न महाधिवेशनमा सर्वाधिक मत प्राप्त गरेका उपाध्यक्ष गुरुङ अध्यक्ष बन्नेछन् ।