ताप्लेजुङ । नेकपा (एमाले)ले हजारौंको उपस्थितिमा ताप्लेजुङको फुङलिङमा शनिवार अन्तिम चुनावी आमसभा गरेको छ ।

सदरमुकाम स्थित तोक्मे डाँडामा आयोजना गरिएको चुनावी आमसभालाई एमाले उपमहासचिव योगेश भट्टराई, एमाले केन्द्रीय सदस्य तिलकुमार मेन्याङ्बो, नेता पासाङ शेर्पा, उम्मेदवार क्षितिज थेबे लगायतले सम्बोधन गरेका थिए ।

राष्ट्रिय कलाकार तथा गायक, गायिका लगायतको प्रस्तुति समेत रहेको उक्त आमसभामा जिल्लावासी हजारौंको नागरिकको उपस्थिति रहेको थियो । आमसभा अघि विभिन्न झाँकीसहितको र्‍यालीले सदरमुकाम परिक्रमा गरेको थियो ।