विराटनगर । प्रतिनिधिसभा निर्वाचन अन्तर्गत मोरङमा ६४.५६ प्रतिशत मतदान भएको छ।

जिल्ला प्रशासन कार्यालय मोरङका अनुसार जिल्लाभर रहेका ५५५ मतदान केन्द्रबाट कुल ७ लाख ८३ हजार ५० मतदातामध्ये ५ लाख ५ हजार ८९४ मत खसेको हो।

हालसम्म खसेको मतमध्ये २ लाख ४३ हजार ३९६ पुरुष, २ लाख ६२ हजार ४९६ महिला र २ जना अन्य मतदाता रहेका छन्।

क्षेत्रगत विवरण अनुसार प्रतिनिधिसभा क्षेत्र नं. १ मा ६०.३६ प्रतिशत, क्षेत्र नं. २ मा ६२.९७ प्रतिशत, क्षेत्र नं. ३ मा ६१.१७ प्रतिशत, क्षेत्र नं. ४ मा ६७.१५ प्रतिशत, क्षेत्र नं. ५ मा ६७.२८ प्रतिशत र क्षेत्र नं. ६ मा ६६.२३ प्रतिशत मतदान भएको छ।

सबै मतदान केन्द्रमा मतदान शान्तिपूर्ण र उत्साहजनक रूपमा सम्पन्न भएको जिल्ला प्रशासनक कार्यालय मोरङका प्रमुख जिल्ला अधिकारी युवराज कट्टेलले बताए । उनको अनुसार मतदाताको उल्लेखनीय सहभागिता देखिएको छ।