काठमाडौं । नेपाल शिक्षक महासंघले आगामी भदौदेखि आन्दोलन गर्ने घोषणा गरेको छ।

महासंघको तेस्रो राष्ट्रिय परिषद् बैठकले भदौदेखि आन्दोलन गर्ने निर्णय गरेको जानकारी शुक्रबार आयोजित पत्रकार सम्मेलनमार्फत दिइएको हो ।

परिषद् बैठकले आन्दोलनसहित १५ बुँदे निर्णय सार्वजनिक गरेको छ । आन्दोलनको मिति र कार्यक्रम तय गर्ने जिम्मेवारी परिषद्बाट विस्तारित कार्यदललाई दिइएको महासंघले जनाएको छ ।

महासंघका अध्यक्ष लक्ष्मीकिशोर सुवेदीका अनुसार विगतका मागसँगै समसामयिक नयाँ शैक्षिक तथा पेसागत मागहरू समेटेर भदौदेखि आन्दोलन गर्न लागिएको हो ।