पोखरा । म्याग्दीको अन्नपूर्ण गाउँपालिकामा हालसम्म ४ जनाको पहिरोका कारण ज्यान गएको छ ।

गाउँपालिका अध्यक्ष भारतकुमार पुनका अनुसार वडा नम्बर ३ को दानामा घर पुरिएर २ जना र वडा नम्बर ५ मा पनि २ जनाको ज्यान भएको हो ।

‘गाउँपालिकाभरि नै अवस्था निकै नाजुक छ । वडा नम्बर ३ दानामा घर पुरिएर दुई जना र वडा नम्बर ५ मा पहिरोमा परेर दुई जना गरी चार जनाको मानव क्षति भइसकेको छ,’ उनले भने ।

पहिरोका कारण सडक सञ्जाल अवरुद्ध भएकाले प्रभावित क्षेत्रमा तत्काल पुग्न समस्या भएको उनले बताए ।