काठमाडौं । मनाङको नार्पाभूमि गाउँपालिका–५ स्थित हिमलुङ हिमालमा हिमपहिरो जाँदा १० जना बेपत्ता भएका छन्। मनाङका सहायक प्रमुख जिल्ला अधिकारी कृष्णप्रसाद पौडेलका अनुसार आइतबार बिहान हिमलुङ हिमालमा हिमपहिरो गएको हो।

उनको अनुसार  सबै नेपाली भएको प्रारम्भिक विवरण आएको छ। यद्यपि, एकिन भइसकेको छैन। बेपत्ताको खोज तथा उद्धारका लागि हेलिकप्टर परिचालन गरिएको छ। जिल्ला प्रशासन कार्यालय मनाङका अनुसार बेपत्ता भएकाहरू अल्पाइन ट्रेक एण्ड ट्राभल्समार्फत हिमलुङ हिमाल गएका थिए। उनीहरूको खोज तथा उद्धार कार्य जारी रहेको प्रशासनले जनाएको छ।